सहकारी,आफैमा स्पष्ट शब्द छ कि हामी जीवन सुरु देखि अन्त्य सम्म सहकार्य मै बिताउने गर्दछौ।त्यही सहकार्यको एउटा नमुना कार्यको निम्ति हामी साथिहरुले यो सस्था स्थापना गरेका थियौ।सस्थाहरु खोल्नु र खुल्नु मुल कुरा होइन।मुल कुरा त्यो सस्थाको ध्यय उद्देस्य र केन्द्र भाग केहो र को हो भन्ने हो। हामीले यो सस्था स्थापना गर्दा यसको उद्देश्य सामान्य सहकारी जो बजारमा यत्र तत्र छन जसले पैसा लिने र दिने मात्रै गर्छन।

‘आपदर्थे धनं रक्षेत्...’ (चाणक्यनीति १/६) भनेझै वर्तमान भौतिक सुख सुविधा उन्मुख जीवन शैलीमा पैसाको महत्त्व दिनानुदिन बढिरहेको छ । आपतकालमा  समाज र आफन्त सँगसँगै पैसाको पनि उत्तिकै आवश्यकता पर्दछ । ‘सदुपयोग गर्न जाने पैसा तिम्रो सेवक हो नजाने तिमी पैसाको सेवक हुनेछौ ।’ अस्ट्रेलियन अर्थशास्त्री निभ होरेसको यो भनाइ जस्तै आफूसँग भएको पैसा सही काममा लगानी गर्ने र गराउने र परिवारमा आर्थिक आत्मनिर्भरता पैदा गर्नु मनिप्लान्टको एउटै लक्ष्य हो । पानीको थोपा थोपा जम्मा पारेर भाँडो भरिन्छ र भाँडो भरिको पानीले तिर्खा मेटन सकिन्छ न कि थोपाले मात्र । कृषि, ऊर्जा, पशुपालन, घरेलु उद्योग आदिमा गच्छे अनुसारको लगानीगर्न सके अपेक्षा अनुसार आत्मनिर्भर हुन सकिन्छ भन्ने मान्यतामा मनिप्लान्ट कार्यरत छ । सेवाको करिव १५ वर्ष सम्म आइपुग्दा यो लक्ष्यमा औसत सफलता पनि प्राप्तभएको छ जसका लागि सवै शुभचिन्तक, सदस्य र ममनिप्लान्ट परिवार धन्यवादी कृतज्ञताका पात्र भएका छन् ।

सहकारी शिक्षा सहित आर्थिक समृद्धिका लागि सदस्यहरुको हितमा मनिप्लान्ट सदैव तत्पर छ र हुनेछ पनि । मनिप्लान्टलाई वित्तीय कारोवारको प्रथम माध्यमका रुपमा प्रयोग गर्न समस्त सदस्य र सेवाग्राहीमा हार्दिक आग्रह गर्दछु र सधै यस्तै साथ र सहयोगको अपेक्षागर्दछु ।

धन्यवाद ।